小夢近來都想搞搞新意思....所以又再一次整一個特別既蛋糕啦....
其實以前已經post過木糠布甸....而布甸係一杯杯既....
呢個就唔同....係一個蛋糕~
今次呢個蛋糕....同千層蛋糕類似....都係材料預備快....但工夫多...
為左要個蛋糕既層次分明....所以今次我係用唧袋黎唧cream....
而且今次又再加上小夢DIY朱古力葉....襯返個杏色既蛋糕喔~~^_^
做完左之後....真係非常有成功感呀~~*

先比大家睇個側面....係唔係好靚呢~^^?

今次粒士多啤梨好似大個左d呀...哈...因為屋企d士多啤梨都無細粒呀~*

今次我放左兩層雪芳蛋糕....所以口感好好~*

切開比大家睇下啦....係唔係睇見都覺得軟綿綿...好香既味道呢~*

(閱讀全文)

大家好呢~!今日教大家整一個又好味....又特別....口感又好既蛋糕喔~
就係千層蛋糕啦~~~呢個cake既口味都好彈性....
因為裡面既生果.....係可以自選....你鐘意放咩野就放咩野嫁啦~~
我點解突然想整呢個cake....係因為我覺得我成日整來整去都係果幾款...
好似無咩新意思....所以今次就專登選一款cake係可以搞搞新意思啦~^^"
今次仲有老公仔既朋友試食...大家都話好食呀...個個都話正~~
今次咁成功....下次有朋友生日...就有新款cake啦...yeah~
比大家睇下相先啦....今次我放左士多啤梨同埋芒果....
想放藍莓但係無減價呀...唔捨得買呀....好貴唷~~*

呢個蛋糕....最緊要既係組合果一part....手工好緊要.....要每層按實....
如果唔係切開時會唔靚....可能仲有洞洞....咁就唔靚嫁啦~^^~*

睇下幾多生果!! 正呀~~~睇翻相我都流哂口水呀~*

切開都唔易散....唔會易溶....分餅時又一定靚仔整齊....可以拎去賣啦~~yeah~~*

(閱讀全文)

話說之前有blog友留言....話比小夢聽李錦記既麻婆豆腐醬都好好味嫁~
所以呢日專誠做呢一味....試下有幾正先....試煮結果係....100分~~yeah~~
估唔到係真正麻辣....雖然辣...不過係辣得黎條利係痺痺地咁....唔會勁飲水...
真係我都係第一次食到咁好味既麻婆豆腐呀...好味過出面的呢~^^
所以小夢已經煮左兩次啦....百吃不厭呀....正~
老公都話好食....不過佢唔係好受得辣~^^"
兩次都唔同口味嫁~~~
第一次煮 : 最後落左半碗仔水 + 粟粉一茶匙   (比較辣....鐘意辣既正)
第二次煮 : 最後落左一滿飯碗水 + 粟粉兩茶匙  (比較多汁....無咁辣....撈飯一流)
大家一定要試下呀~~^_^
仲有...如果有好野一定要繼續講我知呀~^_^...多謝大家~*

上面既係第二次煮....水會比較多dd~^^...老公岩食d~*

撈飯飯一流.....記得一樣野呀....就係記得要煮多d飯喔~*

(閱讀全文)

好耐無開爐啦~~~終於到左老公豬一年一度既生日....梗係要大顯身手啦~
話說果日....我地約好左一大班朋友仔....去左觀塘食日式放題呀....
wow....真係好好味嫁bo~~間餐廳叫做 "外野手" 日本料理.....係朋友介紹....
8:30 我地一坐落.....我就請人幫我地放個cake入雪櫃先嫁啦係咪?
點知佢話要收我地切餅費50大元呀....真過份....又唔係酒店....
好在一大班人share返都唔算貴啦....唔緊要....開心最緊要呀嘛....
到左 9:45....我就叫佢地拎出黎啦....點知佢一行埋黎....cake仲拎係佢手...
佢就話 : 不如我幫你地切啦? 好嗎? ...我地即刻大大聲叫住....真火大...
我即刻用一個 "你白痴的嗎?" 既語氣....(係語氣only)....
我話 : 唔好~~~~你....放....低....先...ok?   (誓死保護蛋糕!!!)
(大家一齊心諗....生日蛋糕梗係壽星仔切嫁啦....你到傻傻地...唔洗許願吹蠟燭呀?)
佢一走開...一齊講...佢傻左呀 / 佢無腦 / 好彩叫得住...等等....
我當然嚇到冷汗都出埋啦~~~^_^"
我辛辛苦苦整出黎....佢想連個全相都唔比大家睇下咩?
唔通裝飾得咁辛苦...比佢切到一忽忽咁先上台?!....50蚊都唔洗咁下話?
終於個蛋糕都順利去到最後....吹完蠟燭....切完....大家都話好食....
嘻嘻....真係好開心呀....不過因為佢個雪櫃好似唔涷咁....
定係跟本無雪櫃放=_="....個cake食果時已經有dd溶咁....謝謝地....嗚...
今次我仲係最後....整左3塊朱古力葉放上去....但係之後先發現唔記得左影相呀...
好啦....唔好咁長氣啦....比大家睇下生日會既蛋糕先啦~~*

嘻...上面呢d裝飾....我整左好耐嫁啦....砌左好耐先滿意~^^

為左令佢地唔好因為拎出街而移位....我塗左一層果面光亮劑~*

(閱讀全文)

呢一排老公仔放大假....咁我都收左爐了....
因為呢段時間要好好享受2人世界~^^
但係我果鋪入廚癮....要搵d野去安撫嫁嘛~^_^"
所以就著手去搵下....有d咩野簡單又好味既食物...可以兩個人一齊入廚既~~
期實我好鐘意食魚香茄子嫁....跟住記起李錦記有出一種方便醬料.....
然後見到有blog友....話試過係好味道嫁...所以我就買黎試下先....
原來真係好易整....易到我唔信...三兩下....20分鐘左右就整好哂啦~
個味道仲真係好好....所以我才特意同大家分享一下....好岩我呢d初學者...
本來仲想買一舊咸魚....但可惜懶去搵....一定要再整加咸魚試下~^_^
我食左兩大碗飯呀....真係好滿足....
要特別鳴謝....老公仔做切茄子同埋拎鑊剷果個....
因為老婆我好怕比d油彈到...我只係從旁指手劃腳果個^^~*

係唔係好似樣呢....連味道都好得嫁~*

配飯一流....真係 "有魚香茄子....添飯添多兩次"~*

(閱讀全文)

嘻嘻~~因為小夢既老公豬近日放大假....所以無咩野時間上來update呀....sorry~
見今日8號風球....先有d時間update^^~
好啦....今日教大家既係.....pizza hut食到既蒜蓉包啦....yeah~~
今次小夢再用中種法.....然後做了兩條....一條就塗上超市購買既香草蒜蓉醬....
而另一條就塗上李錦記既蒜蓉.....試下邊一種係最好食....
實驗結果顯示......李錦記係好食好多既....

李錦記 :  個樣唔似....因為蒜頭好大粒...口感亦唔好....但係味道真係似足pizza hut
香草蒜蓉醬 :  個樣就好似....但係味道真係無咩野蒜味....唔夠香....

所以我覺得...如果能將李錦記既蒜蓉.....花d時間磨爛....變得幼細d....咁就100%正~
不過我未試呢~~如果做完我再post上黎先~^^
好啦.....去片~~*

下面係用左香草蒜蓉醬....唔係咁好食....我估轉返無香草果種可能好d....
因為個味太重香草味.....但個樣就100%似出面街的~*

近鏡影一幅先~~~睇下幾正....下面既係李錦記蒜蓉....粗粒既~*

兩條包包岩岩出爐....真係口水流~*

比大家睇下岩岩出爐時既樣先....好靚仔嫁~*

(閱讀全文)

上次整左曲奇....今次又轉下口味.....整呢個蛋糕....
我其實好少整牛油蛋糕嫁....因為我成日覺得太多牛油了....
但係今日又想試下整....所以就決定整一次啦....
呢一個食譜已經好多人知道....亦好多人做過....
我覺得我整得無人地咁靚呀...>_<
下次試下朱古力既比例減少少...7:3咁啦....應該個花紋會更加靚....
下次又再改變一下落麵漿既方法....希望會更加有清楚花紋啦~^_^
呢一個食譜....男仔一定鐘意....因為係重口味....
老公豬...一食完就話正呀....我跟手就打擊佢 : 好多牛油先咁好食嫁咋^0^
你食得多會好肥嫁~~老公豬話唔緊要啦....咁好食~*

個雲石花紋都唔靚....嗚嗚....不過真係好食...嘻嘻~*

下面係未切開既樣.....個面頭係有花紋嫁~*

(閱讀全文)

呢一日無無聊聊咁....又無特別預備甚麼材料....唯有整一款家中齊料既曲奇先~
次次都整脆曲奇....今次試下整美式軟曲奇....
今次呢一個曲奇....係Angel blog度搵出黎既....
其實脆曲奇 VS 軟曲奇...有咩野分別呢.....
脆曲奇 : 用砂糖做的.....脆身
軟曲奇 : 用黃糖做的.....外脆內軟....有一點蛋糕感
點解黃糖做出黎既曲奇會軟身呢?.....係因為黃糖有保濕作用....焗完出黎似蛋糕口感....
而且....黃糖會比砂糖來得更健康.....所以大家都可以一試呢~^^
成品Look有D似上次既作品.....因為我無準備果仁呀.....
下次要整一次有果仁既....再POST上來呢~^^
大家要注意既就係....控制焗爐時間方面....真係差一兩分鐘就會脆身...
所以大家唔好焗太耐喔....剛好就可以了....
如果第一次出黎脆身....下次調較返短d時間就可以....
我今次既成品.....岩岩好都係邊邊脆....中間軟....真係好特別嫁~

睇下個look....係唔係見到都流口水呢~?? ^0^

(閱讀全文)

話說呢一日....小夢同老公仔一齊行apm....比我地無意間發現....
Q-PET既門口有個大缸....佢地賣緊寄居蟹唷~~WOW~
當時我第一眼就愛上左佢地啦~~^^~
佢地紅卜卜....好可愛....個樣又呆笨笨咁....又怕醜....我比佢地打敗左了~*

之後老公豬....就好細心咁幫老婆去問價錢同埋飼養方法....
咁我都無膽心太多....因為我曾養過廿隻倉鼠....兩隻龜仔....一缸熱帶魚....
都有好豐富既經驗啦....所以見個價錢可以接受....就買了...
足足用左45分鐘時間去問....去執齊D野....
好彩個職員都好細心...好有耐性咁答我既問題....我又真係幾多問題既...呵~*

佢地一隻係珍珠色.....我叫佢做珍珠....
另一隻係黃色.....老公仔話叫黃金金WOR~
希望佢地健健康康咁成長啦~*

回到家....到左夜晚....原來佢地好百厭嫁BO....好鐘意爬樹....搗蛋...好嘈....
可能係未習慣啦....所以先會咁百厭....
佢地仲鐘意食啫喱....見珍珠有一次....食左足足半粒鐘...呵呵~*

第3日....我就決定幫佢地影返一輯靚相....同大家分享下先.....
我想買間屋仔比佢地....但係果度無....遲下先去旺角買啦....
先比大家睇下珍珠先~~登登登登~~*

珍珠係唔係好靚仔呢~~*

好啦....比大家睇下新家既佈置先~~
~~~甜夢窩佈置圖~~~

(閱讀全文)

7月1日放假yeah~~就決定同老公仔一齊入廚煮返餐飯食下先~~~
平日我地好少煮飯仔嫁...因為始終都唔係自己個廚房嘛....(我地係小情侶)
所以我先選擇整咩野食....都會多數係焗既麵包蛋糕....
我可以整完...拎比佢...佢第2日都可以做早餐嘛.....咁就好方便啦...
今日放假....所以就決定借用老公仔屋企個廚房啦~~

今日決定左整blog友kacie既西檸煎軟雞.....(無錯....係你啦^0^)
因為簡簡單單....岩哂我地唷~~

正呀....好滑呢~~希望大家會喜歡~

我同老公仔一齊整既成品.....好sweet~^^

(閱讀全文)

呢一日係我小夢預備左好耐既整蛋糕日子~~~嘻~點解要預備呀?
因為.....今日要整兩個cake....都不容有失嫁~^_^~
第一個....就係即日晚上既兩位好姊妹生日蛋糕....
第二個就係後日父親節蛋糕.....我打算兩個一齊做.....
其實前一個week我已經試整左一次嫁啦....有d地方要注意改善返....
好彩....結果都令人非常滿意喔....所有食既人都讚不絕口....哈哈~yeah~*
點解我選呢個cake....因為第一....我有個好姊妹係食素既....
我知道魚膠粉唔係素食....雖然佢一定會話唔介意既...
但係都好應該就返佢嫁....好在佢唔會唔食蛋.....如果唔係仲頭痛...哈哈~
爸爸佢又鐘意食藍莓....所以選呢個cake無錯嫁啦~~
因為今次要整兩個....所以我都落足本....買左一罐好貴既藍莓果餡....
因為我知道一定好食....所以都唔計較得咁多啦.....
果餡係成個cake既靈魂....如果買d普通果jam....一定做唔到街果d味道....
所以今次....個味道係100%似足Delifrance或者pie & tart.....真係無呃你嫁....呵呵~*

下面係兩位好姊妹既生日蛋糕.....因為拎左出來幾粒鐘先食....
所以果餡已經有少少移左位了....呢一幅相係我去到先影相的.....
因為上次做左個7吋既食唔哂.....所以今次做6吋....岩岩好食哂唔洗拎走~*

下面呢一個....係我無拎出去留係屋企既父親節蛋糕.....
隔左一日仍然係超好味....呢個cake既最後一件....我係四日後先食...
估唔到係完全無變質....好似第一日整咁....我真係好叻叻喔~*

切開比大家睇下先.....真係無花無假....個look都已經好好味啦.....
真係睇見都流口水

(閱讀全文)

終於都輪到介紹我呢一個甜品啦.....媽咪好鐘意咁話bo~
呢一個食譜係我係為食貓見到既....
剛剛就係用左我之前整過既 "綠茶豆腐布丁" 演變出來嫁~
因為小夢絕對係喜歡紅豆既甜點.....所以都忍唔住做左啦~
今次我係10蚊店.....買左兩罐紅豆蓉....好抵....因為佢個質感好岩做甜品....
又唔洗辛辛苦苦咁煮紅豆....真係好方便嫁.....味道仲岩岩好tim....
今次我仲將豆腐漿.....過左3次篩......真係滑好多呀.....
今次將隔左出黎既渣.....倒走唔要.....ok唔錯.....技術上既問題....哈哈....
媽咪仲話.....唔落紅豆都好味.....oh...我就覺得有紅豆先最正.....yummy~
老公豬都好鐘意食.....嘻~
希望大家喜歡啦.....大人細路都岩食....呵呵~~*

滑一滑既布丁.....鋪上甜絲絲既紅豆.....真係正到爆~*

(閱讀全文)

^0^小夢近來都幾忙.....所以慢左同大家分享食譜呀~~
今日介紹既係另一款麵包.....就係用左好好味既藍莓乾做既麵包啦~
我參考左上次買既 "自家製麵包" 食譜書.....再改左個味道.....
因為好想整藍莓味既麵包.....因為我屋企人好鐘意食藍莓嫁....
所以今次當然係非常成功啦.....呵呵呵
大家如果行開超市....見到藍莓乾賣.....都不坊買包返來整下野食....
整蛋糕都得嫁....唔錯嫁....好好味嫁~~!!!

藍莓乾包做完出黎.....一啖咬落去.....係好香甜嫁.....正~*

(閱讀全文)

因為之前成功做左吐司出黎....好有滿足感呀....可以拎去賣了~*
所以今次小夢就再接再厲.....再嘗試<<全麥吐司>>....
我想做呢個好耐嫁啦.....因為佢高纖.....而且我想老公豬食我整既野會健康d^^~
因為為了至愛的健康....就做左呢個出黎啦....
不過唔知係唔係我買果隻.....全麥麵粉....唔係書上面用果隻....
所以有少少發育不良....發得唔夠高....
不過都唔緊要.....好食就得啦~~yeah^^~~~
另外想補充一點....就係其實吐司模....質地係用左厚鋁.....
所以焗出黎既吐司....就可以做到有厚厚而且軟熟既麵包皮....
如果大家貪平.....買左唔係下面我所用果種吐司模....
出到黎既效果可能無咁好....個皮可能唔同左樣....
所以大家要考慮一下去買一個啦~~補充完畢~*

切開左比大家睇下....好多麥粒粒嫁....高纖有益嫁....大家一定要試~*

(閱讀全文)

哈哈.....前一排小夢買左一本新出既麵包食譜書.....好開心呀....
因為裡面教既麵包食譜都非常岩用.....而且仲好有香港feel.....正呀~
食譜書係由一個香港blog友寫既....所以特別有親切感呀....
希望大家都可以好似佢咁....寫blog都可以出書啦.....
blog壇真係臥虎藏龍嫁....好多blog友整野食都好勁....(果個一定唔係我...哈)
呢本書叫做自家製麵包....我鐘意呀~*

講返今次小夢整既麵包....叫做北海道吐司....味道真係好食...
老公仔佢食完都話好味道呀....好香既味....少少甜甜地....
今次係第一次用中種法....真係好ok wor.....整完出黎既麵包會細密d....鬆軟d....
而且仲會彈牙一d....比起直接法只係用多左兩個鐘時間.....尚可以接受啦....
大家如果有時間....一定要試下做呀....包你可以做出滿意既質感出來~*

小夢新買左一個有蓋450g吐司模....整出黎會高身好多....靚仔好多呀~*

切開比大家睇下.....裡面真係好細密....鬆軟....香噴噴嫁~*

因為成份有淡忌廉....所以會有好香牛奶味~*

(閱讀全文)